तुझ्यासम तूच.....
II श्री गणेश प्रसन्न II
II श्री शारदा माता प्रसन्न II
शारदा माता ही वाणीची देवता आहे .
समर्थ रामदास श्रीमत दासबॊधामध्ये दशक पहिला समास तिसरा यात लिहितात
II श्रीराम II आतां वंदीन वेदमाता I श्री शारदा ब्रह्मसुता I शब्दमूळ वाग्देवता I माहं माया II१II
जे उठती शब्दांकुर I वदे वैखरी अपार I जे शब्दाचें अभ्यांतर I उकलून दावी II२ II
तर अशी ही शारदा उपासकावर प्रसन्न झाली की काव्य सुचते. कविता हा शारदेच्या साहित्य दरबारातील एक अविष्कार आहे . या कवितेच्या ओळीतून मी तिचे बाह्यरूप व अंतरंग रेखटण्याचा प्रयत्न केला आहे.
तुझ्यासम तूच.....
कशी असते कविता
अशी असते कविता ....
अर्थगर्भाने भरलेली,
सुख दुःखाचं वस्त्र ल्यालेली,
भाळी शब्दगंधाचा टिळा ,
भाषा -अलंकार परिधान केलेली ,
नित्य नूतन रूप धारण करणारी ,
धरती आकाशाच नातं जोडणारी ,
जनमानसाची, रसिकांची साहित्य लालसा जोपासणारी ,
रसिक दरबारी येण्यास आसुसलेली ,
स्वरांना लोभविणारी,
फुलांना सुगंधाविणारी ,
आत्मभान जागविणारी ,
कार्यप्रवृत्त , कार्यमग्न करणारी ,
विश्वातील सर्व सुंदरता प्रगटणारी ,
निर्लेप मनाची ,निरपेक्षतेची साक्ष देणारी
अगदी without obligation अशी वाटणारी
आणि obligation मध्ये टाकणारी
अनादी अनंत .....
तुझ्यासम तूच... तुझ्यासम तूच ...
टिप्पण्या
to pen down your thoughts!