काव्यधून ...
मकरसंक्रांत अंगणात आली असताना कुर्डुवाडीत व सोलापूर येथे लहान असताना रात्री सर्व आवराआवर झाल्यावर ती. आजी व आई छोटया लोखंडी शेगडीवर देखणा गोड हलवा बनवत असत याची आज आठवण येत आहे . त्याच हलव्याच्या स्नेहातून उमललेली आणि काना मनात ऐकलेली, साठवलेली काव्यधून ..
//श्री शारदा देवी प्रसन्न //
काव्यधून
कविता म्हणजे सहजता
जसा खळखळणारा झरा ,
आल्हाददायक पहाटवारा ,
टपटप पडणारा प्राजक्ताचा सडा
पिंपळ पानांची सळसळ ,
जाई जुईचा दरवळ ,
पहाटेचे पक्षीगान ,
पावसाची रिमझिम
विजेचा लपंडाव
इंद्रधनूच प्रगटणें ,
थंडीतील धुक्याची चादर ,
सकाळचं कोवळं ऊन
चैत्रातल टिपूर चांदणं
पत्नीच आलेलं पहिलं पत्र
पत्नीच आलेलं पहिलं पत्र
पत्नीस घातलेला १ ला गजरा
लहानग्याचे हास्य अन दूड दूड पळणं
वृध्द माता पित्याचें पाठीवर फिरणारे ,थरथरणारे हात
आणि डोळ्यातील ओसंडणार वात्सल्य
लहानग्याचे हास्य अन दूड दूड पळणं
वृध्द माता पित्याचें पाठीवर फिरणारे ,थरथरणारे हात
आणि डोळ्यातील ओसंडणार वात्सल्य
कविता म्हणजे सहजता...खूप दिवसाने झालेली मित्राची भेट ,
वाड्यातील शेजाऱ्याची भेट ,
रसिक हृदयी भीडणारी कलाकृती ,
कानावर आलेलं गाईचं हंबरणं
सहजचं कानी पडणारं भक्तिगीत ,
देवदारी ऐकू येणारी अभागी जीवाची करुणामय पुकार ,
देवळातील समईची शांत तेवणारी ज्योत
आडवळणांवर भेटणारी मानवता !
टिप्पण्या