रोजमेळ
माझी नवीन कविता "रोजमेळ" म्हातारपणातील आजाराने त्रस्त वयस्कर माणसं आणि त्यांची सुश्रुषा यात व्यस्त व्यक्तीच्या भावना या कवितेत मांडल्या आहेत।
" रोजमेळ" ...
यातना, याचना आणि यातायात मेळ काही बसेना,
संसार दुर्ग पायऱ्या चढता चढता चढवेना,
देव आणि दैव यातलं अंतर मिटता मिटेना ।।
आधीच चालली होती मोठी परीक्षा ,
त्यात करोना ची सर्वव्यापी शिक्षा,
समजवितो मना अरे तरी नाही अग्निपरीक्षा ।
प्रखर ग्रीष्मात कोणा पायी वहाणा
तर कोणी अनवाणा ।
परि हेच आठवून बळ किती आणू ?
प्रभू तुझ्या दारी आलो
होवुनी भिकारी येतं ओठी गाणं
विनवीतसे विचारतसे कुलदेवते माते योगेश्वरी सत्कर्म आणि दुष्कर्म तराजू पारडं कधी होणार समान ? अर्पितो तवचरणी हे काव्यपुष्प (येईल उपयोगी पासंग म्हणूनी)
हलका होतो ताण मिळतं समाधान।।
टिप्पण्या