क्षण स्वाक्षरीचा... प्रख्यात कवी आणि गीतकार शंकर वैद्य

 श्री सरस्वती देवी प्रसन्न

क्षण स्वाक्षरीचा... प्रख्यात कवी आणि गीतकार शंकर वैद्य यांची स्वाक्षरी घेण्याचा


साहित्य वाचनाच्या छंदामुळे अनेक मान्यवर साहित्यिक मंडळींना प्रत्यक्ष भेटण्याचे, त्यांना ऐकण्याचे योग माझ्या आयुष्यात येत गेले. असाच एक योग म्हणजे बँकेमध्ये  २००६  साली वाशी- नवी मुंबई मध्ये नोकरीस असताना कोकण मराठी साहित्य परिषदेतर्फे आयोजित  कवी "बी - ( श्री नारायण मुरलीधर गुप्ते)"  यांच्या कवितांच्यावरील एका विशेष कार्यक्रमासाठी उपस्थित राह्यचं भाग्य मला लाभलं.  श्री शंकर वैद्य हे  कार्यक्रमासाठी अध्यक्षस्थानी  होते. कार्यक्रमात  नामवंत कवी अरुण म्हात्रे, सतीश केळुसकर अशोक बागवे आदी मंडळीचा सहभाग होता. कवी बी यांच्या अनेक उत्तम कविता-चांफा बोलेना चांफा चालेना… चांफा या अत्यंत गाजलेल्या कवितेसह  माझी कन्या,  गाई पाण्यावर काय म्हणुनी आल्या आदी कवितांचा  वाचनात समावेश होता असं आठवतं .  त्या कवितांची गुण वैशिष्ट्ये ही  सांगितली गेल्याने कार्यक्रमाची रंगत वाढत गेली . अधून मधून मंद हास्य करत वैद्य सर कवितेतील विशेष भावलेला अर्थ याविषयी टिप्पणी करत असत. "फुलांची ओंजळ" हा कवी बी यांच्या काव्यसंग्रहास आचार्य अत्रे यांनी जवळ जवळ चाळीस पानांची प्रस्तावना लिहिली आहे . अत्रे यांनी कवी बी यांना 'कवींचे कवी' असे  गौरवानं म्हटलं  आहे  आणि ते नुसते Poet नसून Poet and Philosopher होते  असंही  सांगितलं आहे. अशी खूप माहिती त्या दिवशी मला कळाली.  सरांनी "जगद्गुरु संत तुकाराम यांना का म्हणता वाणी? ज्यांनी सांगितली वेदवाणी" असं कार्यक्रमात  सांगितलं .  ध्वनी यंत्रणा ठीक  नसल्यानं  नक्की संदर्भ ऐकू आला  नाही. एकंदरीत   कार्यक्रम ऐकून मी भारावून गेलो खरा पण वरील वाक्य  मात्र माझ्या  मनात कोरलं गेलं.  कार्यक्रम संपल्यावर  काव्यरसिक व श्रोते  यांचा गराडा  सरांभोवती पडला. मी थोडे थांबून  सरांना सही देण्याची विनंती केली ,सर मंद हसले आणि शुभेच्छासह सही दिली.   मी  सरांना आदरपूर्वक नमस्कार केला. असा हा मंतरलेला क्षण आज १५ जून   त्यांच्या जयंतीनिमित्त  पुन्हा ताजा झाला.



टिप्पण्या

S G Deshpande म्हणाले…
मंतरलेला क्षण असावा आम्ही त्या क्षणाचे साक्षीदार नसतानाही तो अनुभवला ग्रेट
श्रीकृष्ण गोविंद देशपांडे
१७ जून, २०२१ रोजी ८:१६ PM
Nandkishor Shridhar Lele म्हणाले…
आपण आपुलकीनं लगेचच वाचून कळवलं. खूप आनंद झाला.साहित्य प्रेमी दिंडीतली आपण वारकरी मंडळी आहोत.
१८ जून, २०२१ रोजी ८:०७ PM
Unknown म्हणाले…
खूप छान अनुभव.....आठवणी प्रसंग एकदम सही....विथ सही
१९ जानेवारी, २०२२ रोजी ३:०५ PM
Kshama Paranjape Ganu म्हणाले…
खूपच सुंदर क्षण....अश्या मोठ्या माणसांबरोबर घालवलेले काही क्षण सुद्धा खूप काही देऊन जातात....सुंदर लेखन.....
१९ जानेवारी, २०२२ रोजी ५:१५ PM
टिप्पणी पोस्ट करा

या ब्लॉगवरील लोकप्रिय पोस्ट

ध्यासपंथी गोखले काकू

इमेज
ध्यासपंथी गोखले काकू  माधवी नाम लेवून,  सदा हसतमुख राहून सहज मधूर लाघव  संवाद   साधीला आपण ... बहुधा बोल तर कधी अबोल राहून पाठीवरी आश्वासक थाप दिली आपण ... आम्हा सर्वां चिरंतन मधूकोशी धाग्यात गुंफले आपण...   अक्षर योगी आपण , साहित्य प्रेमी आपण,  शब्दमोल जाणून स्पष्ट शब्दोच्चार करीत केले विविध अभिवाचन आपण ... साक्षेप समर्थांचा" हे अभिवाचन अधिक ठसले ,बिंबले आमच्या मनी हृदयी  अबालवृद्ध यावरी अपार संस्कार केले आपण... २६ जानेवारी १५ ऑगस्ट असता उत्साह ओसंडित प्रोत्साहित केले आपण... अहो वर्तनातून देव देश धर्म याचे मर्म सांगीतले आपण.... गीताप्रेमी कर्मयोगी आपण... संस्कृत पठण विविध श्लोक सुभाषिते शिकवत शहाणे केलें आम्हा आपण ...  देहभोग सोशिले परि उच्चार त्यांचा न केला आपण... रसरशीत जीवन जगला आपण... कार्यसुगंध दरवळे म्हणूनी  काव्य रचण्या शब्द सारे आले धावून ... समर्थ रामदास रचित पावन भिक्षा श्लोक (कोमल वाचा दे रे राम....१२ श्लोक ) सारे गुण  अंगीकारले आपण अन् इंदिरा एकादशीचा योग साधून आम्हा अंतर्मुख करित पारखे केले आपण..   ...
अधिक वाचा

'घडी घडी घडी चरण तुझे आठवती रामा' गीत रसग्रहण

इमेज
'घडी घडी घडी चरण तुझे आठवती रामा 'हे ज्येष्ठ गायिका माणिकताई वर्मा यांनी गायलेले गीत लहानपणापासून आपण प्रत्येक जण आकाशवाणीवरून पहाटेच्या वेळी भक्ती संगीत या कार्यक्रमात ऐकत आलो आहोत. हे काव्य ' केशव 'नामक रामभक्ताने रचले असून संगीतकार राम फाटक यांनी स्वरबद्ध केले आहे.गीताचे शब्दच चाल घेऊन येतात असं म्हटलं जातं . प्रतिभावंत संगीतकार यांनी संगीत दिलेली गीते ऐकल्यानंतर याचे आपणास नेहमीच प्रत्यंतर येते . हे गीत 'यमन 'रागामध्ये असून माणिक ताईंनी अतिशय भाव उत्कटतेने सादर केले आहे. या गीताचे सुरुवातीचे संगीत आणि माणिक ताई यांचा त्यानंतर येणारा शब्द उच्चार याने माझ्या मनावर गेली अनेक वर्ष पकड घेतली आहे. या गीताचे रसग्रहण करावे असे गेले वर्षभर माझ्या मनात आहे. आज रामनवमी असल्याने ते कागदावर उतरून पूर्णत्वास जात आहे. घडी घडी घडी चरण तुझे आठवते रामा आसनी शयनी भोजनी गमनी छंद तुझा आम्हा दृषा तीच पूर्णब्रह्म नित्य निर्विकारा अंबुजदल नयना मुनी मानस विहारा सर्वसाक्षी सर्वोत्तम सर्व गुरुरूपा प्रेम चित्ता सौख्य सिंधू दशरथ कुलदीपा मास दास भ्रात नाथ तूच एक पाही केशव म्हणे ...
अधिक वाचा

पहाटेच्या या प्रहरी- रसग्रहण

इमेज
  श्री सरस्वती देवी प्रसन्न पहाटेच्या या प्रहरी म्हणा हरि हरि हरि रात्र शेवटाला गेली उखा आभाळी उदेली फुलारली झाडे -वेली जाग वारियासी आली वेळ शीतळ साजिरी पक्षी गाती नाना परी गेला दिस नाही येत काही करावे संचित साधा आपुलाले हित नाम वाचे उच्चारित नाम घेता घरी दारी उभा विठ्ठल कैवारी सरे अंधाराचा पाश झरे मोकळा प्रकाश मुखे करा नामघोष जाती जळूनिया दोष तुका म्हणे जन्मा वरी ठेवा तुळस- मंजिरी गीत- ग दि माडगूळकर संगीत आणि स्वर- स्नेहल भाटकर चित्रपट तुका झालासे कळस राग भूप आणि नट महाराष्ट्रामध्ये उज्वल आणि महान संत परंपरा आहे - संत ज्ञानेश्वर, संत तुकाराम ,संत एकनाथ समर्थ रामदास संत नामदेव बहिणाबाई आदि अनेक संत होऊन गेले. या संतांनी नरदेह दुर्मिळ असून या जन्माचे सार्थक करून घ्यायचे असेल तर ऐहिकात जगताना पारलौकिक कल्याण साधणे ही महत्त्वाचे आहे असे अभंग ओवी वांग्मय यातून नाना प्रकारे सांगितले आहे. प्रपंच जगत असतानाच परमार्थ करावयाचा आहे. कलियुगात संत सज्जन संगती, आणि नामस्मरण याचे अनन्य महत्व त्यांनी वेळोवेळी सांगितले आहे. कोणतेही उपास तपास, कठीण योगसाधना यापेक्षाही कोणतेह...
अधिक वाचा