रानमेवा
आली आली डोंगरची मैना
आंबट गोड रानमेवा
बाल गोपालांचा आनंद ठेवा
नेतो आम्हां आठवणींच्या गावा .
भल्या पहाटे तोडण्या रानमेवा
जाते मालन डोंगरात
पिल्लं तिची घरात
करवंदी जाळी दाट
काढताना रानमेवा
टोचती काटे कुटे
अन लागे चिक घट्ट
तिच्या हातास
किती ते सायास
चढे उतरे अवघड डोंगरी घाट
डोईवरी रानमेवा पाटी
तोल सांभाळत
चालत लगबगीत
येई ती बाजारात
पकडण्या मोक्याची
जागा चौकात
देई हाळी तालात
आली आली डोंगरची मैना
आंबट गोड रानमेवा
येता गिऱ्हाईक पुढयात
भरते रानमेवा
मायेनं हिरव्या द्रोणात
एका वाटयास वीस
करु नका घासाघीस
पहा तिची यातायात
करण्या पाटी रिकामी
बसेल ती आता दिसभर उन्हात
घेऊन विकत रानमेवा
आनंदी तिला पहा
सहजची मिळती
खूप खूप दुवा .
टिप्पण्या
शशिकांत गोखले
शशिकांत गोखले
काळी काळी मैना,डोंगरची मैना,नांदायला जाईना, नांदायला जाईना,
असे ओरडत आमच्या कॉलनी त फेरीवाला यायचा,
संजीव चांदोरकर
कविता वाचली आणि माझे बालपण
नजरेसमोर साकारले मी देखील करवनदे जांभळे आणण्यासाठी डोंगरावर जात सदर ते दिव स आठवले
तुमच्या कविते स रानमेव्याचा गंध
आहे
अशोक आफळे
कविता "रानमेवा "
जपून ठेवावा असा
👌👌
"डोंगरची मैना" मनाला भावली.😊
वाटे मनी हेवा,
आता जिभेला हवा,
चटकदार रानमेवा..
निखिल डी-402
मी भल्या पहाटे करवंदे तोडण्यास जात असे, करवंद तोडल्यानंतर डोंगरातील टेम्भुर्णीच्या पानांचा द्रोण बनवून त्यामध्ये ठेवत असे
माझ्या बहीनीचे नाव मालन हा योगायोग,नुकतीच ४ महिन्या पूर्वी ती देवाघरी गेली....तरी आपण उत्तम कवी आहात हे कोणीही नाकारू शकत नाही...
अभिनंदन